കൊച്ചി: താന്‍ വാഴിച്ച മലയാളി മെത്രാനെ വിവാദ ജര്‍മന്‍ മെത്രാന്‍ മൂസാ ഗൂര്‍ഗാന്‍ സേവേറിയോസ്‌ താല്‍കാലികമായി പുറത്താക്കി.തന്റെ പുതിയ സഭയുടെ നിരണം, കൊല്ലം, തുമ്പമണ്‍ ഭദ്രാസനങ്ങളുടെ സഹായ മെത്രാപ്പോലീത്ത മാത്യൂസ്‌ ഗ്രിഗോറിയോസിനെയാണ്‌ സസ്‌പെന്‍ഡ്‌ ചെയ്‌തത്‌. നാലുമാസം മുമ്പ്‌ ഡല്‍ഹിയിലാണ്‌ മലങ്കര ഓര്‍ത്തഡോക്‌സ് സഭാംഗമായിരുന്ന ഫാ. സി.ജെ. മാത്യൂസിനെ ഗ്രിഗോറിയോസ്‌ എന്നപേരില്‍ മെത്രാനായി വാഴിച്ചത്‌.
സഭയുടെ അച്ചടക്കം ലംഘിച്ച്‌ തെറ്റായ പ്രചരണം നടത്തിയതിനാണ്‌ സസ്‌പെന്‍ഷന്‍. മൂസാ ഗൂര്‍ഗാന്‍ പുതുതായി രൂപീകരിച്ച അന്തോഖ്യന്‍ സിറിയക്‌ ഓര്‍ത്തഡോക്‌സ് സഭയ്‌ക്ക് ഇന്ത്യയില്‍ കാതോലിക്കേറ്റ്‌ സ്‌ഥാപിക്കുന്നുണ്ടെന്നും ഈ സ്‌ഥാനത്തേക്ക്‌ മലങ്കര ഓര്‍ത്തഡോക്‌സ് സഭയിലെ പ്രമുഖ വൈദികനെ പരിഗണിക്കുന്നുണ്ടെന്നും ഗ്രിഗോറിയോസ്‌ സ്വന്തം മാസികയായ 'തദേവൂസില്‍' എഴുതിയിരുന്നു.
സിനഡ്‌ തീരുമാനംവരെ സഭയുടെ യാതൊരു പ്രവര്‍ത്തനങ്ങളിലും ഇടപെടരുതെന്നാണ്‌ വിലക്ക്‌. കുര്‍ബാന ചൊല്ലാന്‍ മാത്രമാണ്‌ അനുവാദം.
യാക്കോബായ സഭയില്‍ നിന്ന്‌ ഓര്‍ത്തഡോക്‌സ് സഭയില്‍ ചേര്‍ന്ന രണ്ടു മെത്രാന്മാര്‍ ചേര്‍ന്ന്‌ സിറിയന്‍ വൈദികനായിരുന്ന മൂസാ ഗൂര്‍ഗാനെ മെത്രാനായി വാഴിച്ചത്‌ രണ്ടുവര്‍ഷം മുമ്പാണ്‌. മൂസാ ഗൂര്‍ഗാനെ പരി. പാത്രിയര്‍ക്കീസ്‌ ബാവ പുറത്താക്കിയിരുന്ന അവസരത്തിലാണ്‌ കേരളത്തില്‍ കൊണ്ടുവന്ന്‌ മെത്രാന്‍ പട്ടം നല്‍കിയത്‌.
No comments:
Post a Comment