പരിശുദ്ധനായ പൗലോസ് മാര് അത്തനേഷ്യസ് തിരുമേനിയുടെ മെത്രാഭിഷേക ശതാബ്ദിആഘോഷങ്ങളുടെ സമാപന സമ്മേളനത്തിലേക്കുള്ള ദീപശിഖ പിറവം വലിയ പള്ളിയില്നിന്നും പുറപ്പെട്ടു.വി.കുര്ബാനയ്ക്കുശേഷമാണ് യാത്ര തിരിച്ചത്. ഇടുക്കി ഭദ്രാസന മെത്രാപോലിത്ത കുര്യാക്കോസ് മോര് ക്ലീമീസ് പള്ളിയിലെ വിളക്കില്നിന്നും ദീപം പകര്ന്നു. വികാരി വന്ദ്യ സൈമണ് ചെല്ലിക്കാട്ടില് കോര് എപ്പിസ്കോപ്പാ,സഹ വികാരി റവ.ഫാ. റോയി മാത്യു മേപ്പാടം,കണ്ടനാട് ഭദ്രാസന യൂത്ത് അസോസിയേഷന് വൈസ് പ്രസിഡണ്ട് റവ.ഫാ.വര്ഗീസ് പനച്ചിയില്, ഡീക്കന് സന്തോഷ്, സഭ മാനേജിംഗ് കമ്മിറ്റി അംഗം സാബു പോള്,ട്രസ്റ്റീ മത്തായി തെക്കുംമൂട്ടില് , കണ്ടനാട് ഭദ്രാസന യൂത്ത് അസോസിയേഷന് സെക്രട്ടറി റെജി.പി.വര്ഗീസ്, റോയി ഡി പോള്, സിനോള് വി സാജു, ജിജോ കുറുഞ്ഞി, ബെന്നി വി വര്ഗീസ്, സതീഷ് പാലക്കല്,കേഫ സെക്രട്ടറി മനു ബാബു,ബാബു കൈനിപുരം എന്നിവര് പങ്കെടുത്തു. സത്യ വിശ്വാസ സംരക്ഷണ സമിതിയും കണ്ടനാട് ഭദ്രാസന യൂത്ത് അസോസിയേഷനും നേതൃത്വം കൊടുത്ത ദീപശിഖ പ്രയാണം കണ്ടനാട് ഭദ്രാസനത്തിലെ വിവിധ പള്ളികളിലെ സീകരണങ്ങള് ഏറ്റു വാങ്ങി വൈകിട്ട് 5 .30 നു ആലുവയില് എത്തിച്ചേര്ന്നു.കോതമംഗലം ചെറിയ പള്ളിയില്നിന്നും കൊണ്ടുവന്ന പതാകയും ,വടക്കന് പറവൂര് പള്ളിയില് നിന്നും കൊണ്ടുവന്ന കൊടിമരവും തത്സമയം എത്തിച്ചേര്ന്നു.ആബൂണ് മോര് ബസേലിയോസ് തോമസ് പ്രഥമന് കാതോലിക്കാ ബാവ പരിശുദ്ധനായ പൗലോസ് മാര് അത്തനേഷ്യസ് തിരുമേനിയുടെ മെത്രാഭിഷേക ശതാബ്ദിആഘോഷങ്ങളുടെ സമാപന സമ്മേളനത്തിന്റെ വേദിയില് പതാക ഉയര്ത്തി.അഭി.ഡോ അബ്രാഹം മോര് സേവോറിയോസ് മെത്രപോലിത്ത, അഭി.ഡോ. ജോസഫ് മാര് ഗ്രീഗോറിയോസ് മെത്രപോലിത്ത ,അഭി.ഏലിയാസ് മാര് അത്താനാസിയോസ് മെത്രപോലിത്ത എന്നിവര് സംബന്ധിച്ചു. ഞായറാഴ്ച് ഉച്ചകഴിഞ്ഞ് 2 നു ശ്രേഷo കാതോലിക്കാബാവയുടെ അദ്ധ്യക്ഷതയില് ചേരുന്ന പൊതുസമ്മേളനം കേന്ദ്ര മന്ത്രി വീരപ്പമൊയിലി ഉദ്ഘാടനം ചെയ്യും,കേന്ദ്ര മന്ത്രി വയലാര് രവി,സംസ്ഥാന മന്ത്രിമാരായ s ശര്മ്മ ,ശ്രീ ജോസ് തെറ്റയില്,എന് കെ പ്രേമചന്ദ്രന് എന്നിവര് പങ്കെടുക്കും.
